ብኣሽሓት ዝቑጸሩ ሩስያውያን ብ ፕረዚደንት ፑቲን ዝተኣወጀ ኣርባዕተ ዞባታት ዩክሬን ምስ ሩስያ ምሕዋስ ንምዝኻር ኣብ ቀይሕ ኣደባባይ ተኣኪቦም።

ቅድሚ ሓደ ዓመት ቭላድሚር ፑቲን ኣርባዕተ ዞባታት ዩክሬን ምሕዋስ ኣዊጁ ነይሩ።
ስካይ ኒውስ ዓርቢ ምሸት ከምዝጸሓፎ፡ ዓሰርተታት ኣሽሓት ሰባት ናብ ኣፍደገ ቀይሕ ኣደባባይ ሞስኮ እቱ መዓልቲ ንምዝኻር ኣብ ቀይሕ ኣደባባይ «ሓንቲ ሃገር፡ ሓንቲ ስድራቤት፡ ሓንቲ ሩስያ» ዝብል ጭርሖ ሒዞም ተኣኪቦም ነይሮም። ናይ ሓደ ዓመት ዝኽሪ ዘምልክት ኮንሰርት እውን ተዳልዩሎ።

ካብቲ ቦታ ዝተወስዱ ስእልታት፡ ብዙሓት ሰባት ባንዴራታት ሩስያ እናወዛወዙ ይርእዩ። ይኹን እምበር፡ ስካይ ኒውስ መብዛሕትኦም ተሳተፍቲ ናብቲ መደብ ክመጹ ከም ዘለዎም ብመንግስቲ ከምዝተነግሮም ፀብፃብ ከምዝበፀሖ ሓቢሩሎ።

ብመሰረት ፀብፃብ ስካይ ኒውስ፡ ፑቲን ኣብቲ መደብ ከምዘይዛረብ ሰንበት ግን ብቴሌቪዥን መደረ ከምዝገብር ተገሊትጹሎ። እቲ ናይ ማሕበራዊ መድኣ ጋዜጣ ሜዱዛ እውን ብቴሌቪዥን እቲ ኮንሰርት ከምዘይመሓላለፍ ፅሕፉሎ።

እቲ ኣቐዲሙ ዝተጠቕሰ ምሕዋስ ብዕለት 30 መስከረም 2022 ዝተኻየደ ኮይኑ፡ ንዶኔትስክ፡ ሉሃንስክ፡ ኬርሰንን ዛፖሪዝዝያን ዝምልከት እዩ።

ግዝኣት ምሕዋስ ማለት ሓደ ዓዲ ናይ ካልእ ዓዲ መሬት ሒዙ ናይ ባዕለይ አዮም አሉ ምእዋጅ ማለት እዩ።

ሜዱዛ፡ ፑቲን ኣብዚ ን30 መስከረም ከም ህዝባዊ በዓል ተመዝጊቡ ንቅድሚት ክዝከርን ዕላዊ ከምዝገበረ ፀብፃቡሎ።

ምንጪ- https://www.vg.no/nyheter/utenriks/i/nQxOex/russere-samlet-paa-den-roede-plass-for-aa-markere-annektering-av-ukrainske-regioner