Qarabağda keçirilən antiterror əməliyyatında 192 Azərbaycan əsgərinin şəhid olduğu bildirilib. Əməliyyatdan sonra Qarabağı tərk edərək Ermənistana keçənlərin sayı 47 mini keçib.
Bu barədə Azərbaycan Səhiyyə Nazirliyinin bu gün yaydığı məlumatda deyilir:
“Azərbaycan Respublikası Silahlı Qüvvələri tərəfindən 19-20 sentyabr 2023-cü il tarixlərində həyata keçirilən uğurlu lokal antiterror tədbirləri nəticəsində Azərbaycan Respublikasının suverenliyi tam şəkildə bərpa edilib. Yerli antiterror tədbirləri zamanı Azərbaycan Respublikası Silahlı Qüvvələrinin 192 əsgəri şəhid olub. Şəhid olan əsgərlərdən 180-i Müdafiə Nazirliyinin, 12-si isə Daxili İşlər Nazirliyinin əməkdaşlarıdır. Şəhidlərdən biri mülki şəxsdir.
11 nəfərin şəxsiyyəti Məhkəmə Tibb Mütəxəssisi tərəfindən aparılacaq məhkəmə-genetik ekspertizalardan sonra müəyyənləşəcək. Eyni zamanda yerli antiterror tədbirləri nəticəsində 511 hərbçi və 1 mülki şəxs yaralanıb”.
ERMƏNİLƏR ÇƏKİLİR
Reuters xəbər agentliyi Qarabağ bölgəsindən Ermənistana keçənlərin sayının 47 mini keçdiyini bildirib.
Ötən gecə Dağlıq Qarabağdan Ermənistana keçən ermənilərin sayı 28 min civarında olub.